Металкерамичките коронки се сеуште најчестиот избор на нашите пациенти заради нивната пристапна цена, одлична изработка и солидна естетика. Изработени се од метал на кој е надограден фин порцелан. Им недостига природна транслуценција, но вешт техничар можи да постигни задоволителна естетика со која забот тешко би се разликува од природниот. Најголем недостаток им е тоа што во случај на рецесија (повлекување) на гингивата постои можност за видливост на црниот метален раб. Исто така металот од коронката можи да предизвика пребојување на гингивата па таа изгледа сиво. Тоа обојување не можи да се отстрани ни со замена со целосно керамички коронки. Затоа во предната естеска зона препорачуваме изработка на целосно керамички (литиум дисиликатни или циркониа) коронки.

Целосно керамички коронки (литиум дисиликатни) се изработени од чиста керамика која се карактеризира со висока естетика како и природна транслуенција, па се способни потполно да го имитираат природниот заб. Потполно се биокомпатибилни и можностите за постигнување на бараната боја се неограничени. Изработката на вакви коронки бара комплексна лабараториска припрема и изработка, па ради тоа е нивната цена е повисока.

Циркониа керамичките коронки се изработени од висококвалитетна циркон база обложена со порцелан и претставуваат врв во квалитетот на изработка. Се карактеризираат со голема цврстина и биокомпатибилност, што им овозможува да бидат идеално решение за било која ситуација во вашата уста. Заради нивната цврстина можат да се употребуваат и во предната и во бочната регија. Овие коронки не содржат метал па не се нарушува биоестетиката дури и при рецесија на гингивата, т.е. кога коренот на забот ќе стани видлив.