Македонија го зафаќа средишниот дел на Балканскиот полуостров, богата со мноштво на природни убавини нуди голем избор на видови на туризам, од природни чуда кои се ретки во светот до селски,планински, езерски, речен туризам, богато секојдневие и настани кои вредат да бидат посетени и видени, музеи, галерии, споменици, манастири и модерни и историски градови. Таа е земја со долгогодишна и богата традиција, културно наследство и неприкосновена гостопримливост. Од скијање, до параглајдерство, до кајакарство и нуркање, до пловење и велосипедизам , пешачење и јавање на коњи – Македонија е земјата која може да овозможи разновиден туризам за време на вашиот престој во истата. Откријте повеќе на:

http://www.exploringmacedonia.com/
http://www.macedonia-timeless.com/

Монастир е старото име на градот Битола, кој се одликува со многу знаменитости и обележја од историски карактер како и од модерно време. Градот е втор по големина во Македонија, еден од најстарите градови во земјата и претставува административен, културен, индустриски, комерцијален и образовен центар.

Сместен во јужиот дел на Пелагониската котлина, обколен со планините Баба (со врвот Пелистер) и Ниџе претставува градот кој последен ќе го посетите доколку патувате кон соседната земја Р. Грција преку преминот Меџитлија. Тој е значајна раскрсница кој ги поврзува јужниот дел на Јадранското Море со Егејското Море и Централна Европа.