Ортодонција е гранка од стоматологијата која се занимава со превенција, дијагностицирање, исправување на лошо поставените заби и околнитe структури. Иако често се смета дека ортодонтската терапија се користи само од естетски причини, таа првенствено се користи за воспоставување на добра функција, со корегирање на функционалните неправилности на забите и соодносот на горната и долната вилица, со што се задоволува и естетската страна. Секако со добрата функција доаѓа и добрата естетика. Неправилностите во положбата на забите може да предизвикаат бројни проблеми од отежнато одржување на оралната хигиена кое води до појава на кариес и забен камен до сериозни проблеми со виличниот зглоб проследени со болки во главата.
+ 389 47 609 558 или +389 70 395 184
Ортодонција
Ортодонтот после направените дијагностички прегледи и план на терапија, на пациентот му препорачува соодветен тип на апарат (протеза) и план на терапија. За почеток на ортодонтска терапија не постои старосна граница.
Тераписките можности кај децата во пубертетски развој се поголеми отколку кај пациенти кај кои е завршен растот. Кај повозрасните пациенти може ортодонтски да се исправат забите, но не и околните структури, освен со хирурски зафат. Ортодонтските прегледи мора да се прават периодично заради растот и развојот на детето, како и заради сталните промени кои се одвиваат во таа возраст посебно ако детето носи ортодонтски апарат.
Децата треба да дојдат кај ортодонт за преглед околу шестата година, после никнувањето на првите трајни заби, а посебно кај некои од следните случаи: искривени заби, преран губиток на млечните заби, збиеност на забите, долготрајно цицање на прст или некој друга лоша навика, каj потешкотии во говорот и проблеми при џвакањето или затварањето на устата.
Должината на терапијата зависи од различни фактори и трае во повекето случаи околу две години.