Пациентите кои се одлучуваат за било кој вид на ортодонтска терапија, пред самиот почеток на терапијата мораат да имаат здрави и санирани заби (сите кариозни заби мора да бидат поправени и излечени, а лошите пломби да бидат заменети со нови).

На првиот ортодонтски преглед ортодонтот ќе го прегледа пациентот, ќе ја анализира панорамикс снимката и ќе земи отпечаток од горната и долната вилица према кој ке се одлучи кој вид на ортодонтска направа ке биде потребна за пациентот и колку долго отприлика ќе трае терапијата.

Исто така, ортодонтот ке одлучи дали има потреба да се екстрахира некој заб поради недодстаток на простор во вилицата.

Пациентите обично се наведени да побараат ортодонтска терапија ако не се задоволни од eстетскиот изглед на забите, па заради тоа се јавуваат на ортодонт.

Тие често не разбираат дека забите во горната вилица мораат во однос на забите од долната вилица да бидат поставени во однос така што горните заби треба да ги преклопуваат долните заби и секој заб од горната вилица да биде во контакт со по два заби од долната вилица, освен долните единици и горните умници. Таквиот однос го нарекуваме класа 1.

Заради овие причини ортодонтите не можат да ги задоволат желбите на пациентите да се исправат забите само во едната вилица, како што обично пациентите бараат, туку ортодонтскиот апарат се поставува во двете вилици,освен ако ортодонтот не процени дека е потребно да се постави протеза само во едната вилица.

Во просек ортодонтската терапија трае околу година и 6 месеци.

Сепак мора да се земе во предвид дека кај секој пациент ситуацијата во уста е индивидуална.

Со ортодонтската терапија се корегира и естетиката но и функцијата, па така терапијата може да трае и подолго од просечното тераписко време.

Траењето на ортодонтската терапија во голем дел зависи и од соработката на докторот и пациентот. Заради тоа се од голема важност редовните контроли и придржување на пациентите на упатствата од докторот.